ÐÓ°ÉÐÔ°É

Yoggo Yow!! Yoggo, Yoggo Yow!! Waa gwaan TamFam? Bless up to all a mi Ragashanti Live listeners pon Tambourine Radio at . Big up all Tamfammers weh shell dung Polish paaty ah Queens, New York, last Saturday. Di sitin Slap Weh!! An rememba mi party RAGABASH KINGSTON, February 20, Oneil's Place, Hagley Park Road. Da paaty deh lit aready!!

Awright, mek we see waa gwaan fi di mix-up dem now.

Mix-up! Big up to di woman who a test har man if him woulda bun har, an mek har look good fren link him up pon Facebook. Di fren an him correspond fi a while 'til it reach a point weh threesome fi run. Di plan was fi di fren turn up fi di threesome wid di man an dis oda woman. Di man woman woulda jus run up pon dem an ketch him.

Everyting guh as planned. Di fren tun up a di hotel wid di man an di oda woman fi di threesome already inna di hotel. Di man guh fi har downstairs an bring har up a him room. Di fren text di man woman fi ask which floor dem deh pon an wah numba room dem a guh.

Di man woman manij fi reach pon di floor an run quick towards dem jus' in time fi see dem a enta di room. She buss eena di room pon dem, an shock out nastiniss outa di man!

But di bigga shock was fi di man woman, 'cause di oda woman who har man have fi di threesome was har older sista!!! Hell an powda house pap weh inna di hotel room!! It all end up dat di man woman a bawl an a vomit at di same time. Afta everyting sekkle, yuh nuh know say di woman cut off har sista an nuh chat to har again, but still deh wid di man!!!!

Baby fada use pickney

money boy dogs

Raga, I have some regrets with my babyfather from many years ago. Keep in mind I was 20.

My babyfather and I were together for about three years. We were planning on building a life together. He was a hustler who did ah mek good coin, but he cheated when I was pregnant and after our son was born I couldn't tek it and lef him. Now the madness.

My son was a few months old and I called my babyfather for some money to get things for the baby, and this man had the nerve fi tell me, "he jus buy two dog which cost US$2,000 ($J241,421) each, so now him bruk. So the vex I did vex, I went to the store and buy two steaks and lace them wid rat poison and inna the night drive to him house and feed it to the two craven dog thru the fence.

After about two days he called me a bawl bout him dog dem dead.

Then again with the same man about two years later, called to tell him I needed something for our son. Him tell me him ah build the house we were going to build together, and him just buy the appliances and put in, even though the house not even half done so him nuh have no money. So mi just kindly drive over there and bun it down.

Our son is now an adult and thank God these ridiculous actions didn't affect their relationship (since he didn't know it was me), but I still feel terrible, and is one of the only regrets I have in life.

Thanks for all you do, Raga!

Jeezam Peace!!! Ms Lady, mi cyaan believe yuh kill di dawg dem an bun dung di house!! Weh di dawg dem do yuh? Di dawg dem was two innocent living beings weh nuh have no clue bout di pas between yuh an yuh babyfada. Jah know star ... . Mi feel it fi di dawg dem.

An yuh know say mi run da mix-up ya pon some woman weh mi know an some a dem a say dem woulda kill di dawg dem too. Noooo Sah!!! Some a unu nuh got nuh chill yow. But yuh babyfada did a goh luu still. Him shouldn't a put two new dawg ova him yute interest. Dat nuh mek it. Pickney come before dawg. Worse it look like a some hype dawg him did a pree. Yuh have a right fi get upset, but yuh shouldn't did goh soh haad still.

Anyways, leggomentz ya now.

Sen mi unu pas dem at ragashanti@ragashanti.com. See unu nex Thursday same place, yah soh.

Road!